水晶宮炒多佛賀柏杜上任

猪拉多纳

水晶宮有柏杜新帥上任，一眾球員為求喺呢位新波士面前留下好印象，今晚英足盃第3圈作客非聯賽球隊多佛，肯定踢得更加肉緊。阿謙睇好水晶宮今晚可大炒一場，幫柏杜省靚招牌，讓球主勝好路。

（now 621及633周日晚上9時直播）

多佛係非聯賽球隊，最近雖然喺各項賽事錄得16場不敗，近況睇落唔錯，球隊對上兩圈英足盃分別淘汰英甲嘅車頓咸同摩甘比，算係爆冷賽果。不過，今仗對手係剛啱換帥嘅英超水晶宮，實力高幾班下，多佛嘅神奇之旅應該嚟到終點。
差4班實力太懸殊

前紐卡素主帥柏杜日前轉投水晶宮，一眾球員眼見新帥上場，自然要爭取好表現博新波士歡心，今晚就算有隊長積甸拿克因要代表澳洲出戰亞洲盃缺陣，又有前鋒查馬克因傷倦勤，但面對低佢哋4班嘅多佛，大勝一仗難度唔高，即使讓波加作客仍值得支持。