無敵神駒煥然一新

不死鸟

今個新馬季距離不足兩星期就開鑼，各個馬房早前已經加強打磨旗下馬匹，預備新季作出搏殺計劃。而近兩次舉行泥地試閘，當中睇到有些馬匹狀態起得甚好，筆者認為季初確實有留意必要。
今次品題?馬就係告東尼馬房的「無敵神駒」（左圖），此駒於8月28日試泥地1200米大閘，9駒得第二，而該駒排在9檔，出閘後很快跟上前，跑過100米時已帶頭，入到直路依然輕鬆帶領，到最後100米處見蔡明紹拖慢力掩鋒芒，任由拍住佢處第二位?「自家威」鄭雨滇推騎趕過牠，呢課睇得到「無敵神駒」無論鬥心狀態全部返晒�a，感覺此匹優質良駒，轉投入告東尼接手後，有脫胎換骨之感。
「無敵神駒」之前在蘇保羅時期，無疑曾有過輝煌成就，在大前季2006至2007力度季內一口氣摘下6冠佳績，但到前季及上季健康出現岔子，蘇保羅花盡心思都找不出牠問題所在，但轉投告仔手上很快就找到此駒問題所在，最記得此駒上季尾轉投入告東尼後首次上陣贏馬，賽後告仔接受馬會官方訪問時，他說已經知道馬匹問題所在，現時他搞掂?已無問題，一副胸有成竹信心，再睇回此駒試泥閘?出色表現，足證健康已完全無問題，所以筆者敢言「無敵神駒」今季在告仔手上可取得多捷還我本色。

洛維