方嘉柏青出於藍

不死鸟

暑期間，不少騎師出外作賽，例如韋達、杜利萊及柏寶等大師傅，一來既可?住狀態，又可在外地增添人際網絡，然而有騎師外遊度假充電，享受人生，各適其適，後者回防開操，收身乃當前急務。距開鑼戰仲有10日，下周一報名，周四排位，騎練及馬迷亦磨拳擦掌，暑假期間最勤力的首推蔡約翰馬房，倉主更是以身作則，一貫的落力試馬，真正人馬?弗兩全其美。
上季練馬師冠軍之爭，鬥到最後幾期仍有變數，未知鹿死誰手，方嘉柏結果憑後勁力壓大摩及蔡約翰奪魁，給人感覺是充滿朝氣，寸土必爭。睇番方?上季成績，除了在主場的跑馬地特別醒外，沙田大場因應馬匹性能出擊亦得心應手，由去年9月到今年7月，每個月都有馬贏，最少有4場，10、11、5及6月最多，能夠保持由季初搏到季尾都咁勁，所謂由頭到尾都咁好味，除了好鬥志，練馬功力、調兵遣將及料敵能力缺一不可，成功無僥倖，青出於藍，老方應老懷安慰。