羅馬前景看俏

不死鸟

練馬師告東尼近幾季成績並不理想，主因馬房很多馬評分已飽和，而新血尚未成熟，但經過近季?變化，馬房已成功換血，原有一批舊馬，經過評分調整下已回復有利水位，質新馬亦漸成熟，加上有多匹質素不俗馬加盟，筆者甚睇好今季他馬房隨時大翻身，成績上揚指日可待。而今日推介他馬房的「羅馬」，值得長線追捧，預計新季起碼有兩場頭馬交出。「羅馬」?馬主羅傑承係足球界南華體育會班主，他熱愛賽馬及足球，所以馬名都用歐洲球隊命名。此駒上季來港後養在李易達馬房，上陣過5次得亞季各一次，另外兩次第5一次第6，以呢匹質素甚高佳駟，上陣多次未能取得頭馬確有點令馬主羅失望，今季馬主羅將愛駒轉投入告東尼旗下，希望在另一套操練手法下，能使「羅馬」交出好成績。
睇回「羅馬」在澳洲上陣8次，取得4冠1亞兩第5 ，可見其實力不弱，此駒在短途1200米贏馬，之後增程1600米亦取勝，繼後於一級賽跑長途2000米得第5，再睇回牠來港後跑得最好亦係在1800米，由此可見牠是匹長途好手，目前評104分在1班作戰不蝕底。告仔暑期已經積極備戰，工夫由慢到快下已攀升勇態，睇練者部署，有決心轉?後上陣一出即贏省招牌，如看到此馬報爭1600米或1800米，隨時有力贏馬交代。