基恩復出加納射殺「大象」

猪拉多纳

非國盃上演夢幻決賽，科特迪瓦對加納讓平半有啲牙煙，玩1.82倍下盤好過。雖然科特迪瓦最近開始上力，不過加納隊長基恩因傷錯過8強賽事後，據講已經傷愈回足晒氣，有佢做子彈，「黑星」就有本錢射殺「大象」啦！

（廣東體育周一凌晨3:00直播）
耶耶托尼有傷在身

科特迪瓦喺4強以3:1解決剛果民主共和國，射手謝雲奴又有波入，坐完兩場波監後連續兩場建功。不過大家要留意，其實科特迪瓦教頭連拿特勁唔滿意班人表現，佢仲好坦白話，隊長耶耶托尼受到傷患困擾，搞到佢進攻水準下降，「大象」係咪值得睇太高，各位自己諗啦！

另一方面，加納喺4強以3:0砌低東道主赤道畿內亞，連贏4場睇得出比賽信心已經回復，特別係上場佢哋有隊長基恩養傷缺陣，依然入到3球，曾經執教車路士嘅教頭格蘭更加話，有信心基恩喺決賽復出爭取士哥，而且阿休兄弟開始上力，「黑星」唔憂冇子彈，下盤值得捧場。