學生隊「讓主」有本有利

猪拉多纳

為晉級搏老命

聽朝早有場南美自由盃外圍賽次回合上演，由阿根廷嘅學生隊對住厄瓜多爾嘅迪華利獨立隊。學生隊上仗喺高原作賽，實力大打折扣，今次返主場出戰，多件攻堅主力可繼續搏殺。相反，迪華利獨立隊陣容不整，一於揀2.2倍「讓球主勝」，力撐學生隊直接贏波晉級！

（開賽時間：周五早上8:45）

學生隊班波狀態已上力，陣中有國米借將艾華路佩雷斯孭飛之餘，路文馬天尼斯又好番，加埋新援大衞巴邦拿有望處子登場勢必搏盡，有佢哋幾個喺中場幫隊友鋪橋搭路，古度卡里路同迪亞高維拉兩名箭頭肯定大把「餐士」入波啫。
迪華利獨立隊唔齊腳

另邊廂，迪華利獨立隊無法夫添出擊，中場主將列索圖膝傷唔踢得，就連喺上季厄甲聯手貢獻18球嘅蘇路沙同丹尼安古路，前者被外借到帕丘卡，後者仲要停賽，新援卡路士昆特路擔正搏殺冇建樹，火力大減，況且佢哋冇咗高原主場作賽嘅威力，邊阻得住學生隊反勝晉級喎？
南美自由盃賽制

今輪為南美自由盃外圍賽次回合賽事。若兩回合打和，先計算作客入球優惠，再和於次回合90分鐘後即互射12碼分勝負。

首回合：學客負0:1