C朗贖罪皇馬勢炒拉科

猪拉多纳

(六)41 皇家馬德里 Vs 拉科魯尼亞

今晚西甲皇家馬德里主場對拉科魯尼亞，成為C朗「贖罪之戰」！呢位葡萄牙球星喺皇馬上仗打吡戰慘吞馬體會4蛋後，仍然開派對慶祝生日，惹起公憤，甚至連會長皮里茲、隊長卡斯拿斯都對佢不滿。C朗剎那間由「萬人迷」淪為「犯眾憎」應該知驚，必須做齣好戲挽救形象，今仗正好攞拉科祭旗，盡數對手，皇馬讓兩球，都要讓球主勝。

（now 632周日凌晨1時直播）

C朗被指上仗踢出職業生涯最差表現，變輸波罪人，「開P事件」又被輿論鬧爆。不過呢位國際足協金球獎得主一向心高氣傲，四方八面嘅狙擊，反而會激發佢嘅鬥心，相信會大踢身價波，省番靚金漆招牌。皇馬現時僅領先次席巴塞隆拿1分，不容再失，既然遇上弱隊，當然把握機會發圍，爭取大勝重振士氣。

對賽往績食住拉科

拉科一向係皇馬嘅「私房菜」，雙方近9次對賽，皇馬取得8勝1和，包括今季首循環大勝8比2。該仗C朗大演帽子戲法，拍檔加里夫巴利亦梅開二度，可見以拉科防線實力，根本抵擋唔住呢對天價雙翼。正所謂「受傷的野獸」最可怕，皇馬今仗全力反撲，拉科更加難招架。