起孖雙雄 壓力不同

不死鸟

截至9月16日谷中夜賽為止，十八場馬三甲領先騎師全部係華裔，一馬當先的係蔡明紹與黎海榮，同累積3Ｗ，鄭雨滇2Ｗ，排第三，華裔騎師出閘即領先，係唔係虛火？係唔係放頭羊？無以為繼的現象上季曾發生過在鄭雨滇身上，但願經過一季的磨練與進步，希望今季成績可以穩定上揚。
假如不是開鑼日胯下大冷門馬「世界波」叮噹馬鼻飲恨屈居第二的話，鄭雨滇也可累積3Ｗ，但長遠計，他一定不會輸蝕給蔡明紹、黎海榮，理由何在？心理素質大大增強也。
從9月16日快活谷賽事的戰績大可反映出來，鄭雨滇所贏的第一口孖寶，「我跑得」搭「星光活力」，都是頂頭大熱門，而且都是處女馬，鄭雨滇竟然能夠卸卻心理巨大壓力，一一順利贏出，而且贏得聰明伶俐，因為摸通摸透，改變跑法，可見有所突破，有所掌握，不再受騎熱門馬的巨大壓力所困，達到冷熱不拘都能揮灑自如的師父級功架，再回顧開鑼日騎隻大冷門「世界波」的表現，大可印證鄭雨滇星級的實力是不容忽視的。
當晚黎海榮雖然也是起孖，但所贏的仍是冷門，「期望」17倍、「和諧大使」13倍，冷門騎師騎冷馬，壓力不大，贏當然值得嘉許，喜出望外，輸則無甚失望，皆因意料之內也，冷門騎師一旦騎熱門，難免壓力深重，影響發揮，落敗也是經常現象，這是不折不扣的事實，聰明的馬迷應該從中考慮，然後有所取捨。
簡單一點來說，黎海榮仍未達到鄭雨滇的級數，仍未突破騎熱門馬所帶來的壓力，日後捧黎海榮之道，謹記冷敲熱避，至於鄭雨滇，則冷熱不拘，只管對其座騎實力評估機會則可。
今期谷中夜賽，介紹黎海榮騎嘅「福喜」，同程有佳績支持，而且一定唔係大熱門，冇壓力下騎者必然會發揮出最佳水準。