高風格誓雪前恥

不死鸟

第一場第5班1200米（泥地）。告達理馬房的「全能」上季在四班作戰，跑得較接近兩次係在田泥1200米分別得第四及第五成績，睇回牠上季完全未成熟，脾氣甚大，無表現可理解，但經過年長下，加上牠適應水土，日前晨課所見其身型成長，脾氣亦改善，顯見成熟漸進，早前兩試泥地大閘，走勢爽勁有力，足證勇態顯露，今次用梁家俊減輕7磅上陣，跑回有根據泥地途程，藉班利態勇有力贏馬一嚐頭馬滋味。「皇龍飛駒」同程有贏馬紀錄，埋門力磨火氣冒升，施殺�粲辛�爭雄。
第二場第4班1200米（草地）。「高風格」上仗力拚「駕寶」屈居第二雖敗猶榮，因對手實力亦強，可喜是此匹腳患馬賽前能受得頻密操練，再加上拚後復課依然受得操磨，質素不弱佳駟腳患全面康復必能展示威力，班利勇馬，今戰沿用梁家俊（左圖）出擊，可期贏馬收復前失。「贏得快」熱身後勇態更進，升班負輕磅施突襲可入圍。
第三場第4班1200米（草地）。「大旋風」上季尾力拚「歡樂繽紛」得第二表現出色，末段更締出全組馬最快時速，睇得到此匹實力不弱馬，適應水土後漸入佳境，而牠經過暑期小休後，成熟更增進不少，再加上練者全力打磨，目前勇態更勝上季入位時，質態俱備佳駟，今戰力足贏馬而回。「駕寶」勝後仍勇，負磅略重作配無妨。
第四場第5班1400米（草地）。「開心財星」開鑼日與實力強勁馬「威陽」串Ｑ走勢出色，顯見呢匹7歲老馬戰鬥力仍強，拚後復課神態依然生猛，火氣冒升好過上回，老馬難得拚後有火氣，捲土重來把握良機有力勝回一仗。「連冠精英」剛戰受阻落敗非戰之罪，復課勇態仍在，今次發揮水準有力上名。