勝利飛駒唔買走寶

不死鸟

上屆冠軍練馬師方嘉柏卒之在上周末開齋兼起孖，開齋馬正是本人在上季尾有份於擂台賽押上最後一注的「寶貝王子」，臨場捧至4倍是信心十足，贏來姿態亦的確超班，敢信回升3班亦一樣有運行。反觀神仙蔡約翰馬房表現繼續失色，看來目前對蔡?大熱門還是避之則吉為妙，就如自己有份下注的「賞惑」，柏寶全程演繹並無不妥，偏偏直路踩油反應平平。反而今場頭馬「福勝滿載」賽前是走漏了眼，這匹方嘉柏練馬師團體馬操練多時卻一直從未由韋健仕過檔，周前策駒試閘掄元的鞍上人湯智傑偏偏走去騎「精算拍檔」，方嘉柏這招調虎離山認真夠絕。此駒一戰一捷便運港肯定大量嫌分，觀乎今場抽12檔贏來有前有後，今季有必要長期跟進。
今次賽事周四國慶日有機會在偏淋場地角逐，賽果會唔會又爆到七彩，真係難以估計，不過有項數據唔講你未必會留意，就係梁家俊?今季舉行過三次日馬賽事?尾場��到兩冠一亞，換句話說，即係日馬賽事尾場唔吼梁家俊座騎無錢收，今次尾場梁家俊策「勝利飛駒」（左圖），此駒開鑼日出戰廣東讓賽已有不俗走勢，奉勸各位唔鍾意都要預牠一注。