國米欺善怕惡 拿玻里食過翻尋味

猪拉多纳

（日）49 拿玻里 Vs 國際米蘭

今晚意甲有場重頭戲，由拿玻里主場迎擊國際米蘭。「藍黑軍團」翻兜文仙尼領軍後表現麻麻，而且對住前列球隊例牌腳軟，何況佢哋近年去到拿玻里地頭都冇啖好食，就算呢次受讓平半都信唔過，直取上盤。

（TVB301周一凌晨3:45直播）
主場恰慣藍黑軍

國米早前聯賽3連勝，令人憧憬隊波開始上力，可惜佢哋上仗主場輸畀歐戰席位競爭對手費倫天拿，打沉士氣之餘，更睇得出「藍黑軍」淨係識欺善怕惡。自從文仙尼上任後，國米分別同過羅馬、拖連奴、費倫天拿等前列球隊交手，不過鋪鋪都輸波，佢哋上個月曾經喺意盃8強作客以0:1輸畀拿玻里，明顯唔識打硬仗，想佢哋突然發威似乎有啲不切實際。

相反，拿玻里主場取得5連勝，特別係主力荷西卡利祖、咸錫喺周中意盃落場時間唔算多，耗力有限，想延續球隊連續5次喺主場砌低國際米蘭嘅紀錄唔難囉！