Chance王歸位 巴塞「讓主」有計

猪拉多纳

（日）16 巴塞隆拿 Vs 華歷簡奴

今晚西甲早場由巴塞隆拿主場對華歷簡奴，「-3」都要揀2.13倍「讓球主勝」。巴塞射手蘇亞雷斯近排翻生，甚至有分析公司話，佢係歐洲球壇今季製造進攻機會最多嘅頂級新援，「蘇神」歸位梗係要撐佢啦！

（now632台周日晚7:00直播）
蘇神喪製造進攻機會

現時巴塞以2分落後榜首嘅皇家馬德里，主場出戰梗係要搏。佢哋日前喺西班牙盃4強次回合以3:l砌低維拉利爾殺入決賽，中場布斯基斯喺比賽中受傷，加上前鋒尼馬坐波監，意味巴塞今場有兩個正選唔踢得。

雖然係咁，但巴塞嘅火力一樣咁勁，蘇亞雷斯連續3場入波大翻身，最近有分析公司計過，今季歐洲5大聯賽12個頂級新援入面，「蘇神」喺製造機會嘅評分中排第1位，勁過車路士嘅法比加斯，對上8場比賽入5球更加顯示佢信心返晒嚟，對家華歷簡奴有中場巴爾拿同後衞薛卡斯度停賽，作客注定做炮灰。