紅衣上將蘇哥厘

不死鸟

上月尾寫過篇稿用上「紅衣」系新貨潛質蘇Good為題，主角之一「紅衣上將」明日終於出場（第二場），此匹4歲新西蘭馬外地4戰1200米，成績2冠1亞，來港前一仗只係贏70分讓磅賽，評72分只算做合理，但�粞埸c反而係早段稍留拉士肯追馬，同之前一味靠放、得鋪蠻力相比，可以話有大躍進?表現，相信升值潛力會唔少，一出便向最有根據路程問津，對手唔多兼執內檔，有權即食。同場「森淼獵鷹」在紐上陣5次，頭三仗跑1200米得2亞1季，其後兩戰1400米分獲冠亞各1，網上睇片，每仗都係跟前跑平均速度，性能有別於同父「化工之昇」和「新薪」，追溯血統，生母與「億之傑」份屬全姐弟，後駒昔日由簡Sir訓練，3歲已贏到2000及2200米，展望「森淼獵鷹」將來可越跑越長，以天生速度爭短途，機會不及「紅衣上將」。
「盈嘉飛駒」係另一種口味，來自愛爾蘭兩歲贏膠沙地1400米，老豆Haafhd為04年英國二千堅尼和冠軍錦標雙料一級賽冠軍，性能應偏向中長途，對住正宗澳紐短途馬肯定處下風。