緬恩斯升呢做大事

猪拉多纳

岡崎慎司着火單挑狼堡

好嘅教練可以令一隊波脫胎換骨，緬恩斯今季一度捲入降班漩渦，不過自從上個月易帥、請咗經驗豐富嘅瑞士教頭舒密特領軍後，成班波近期即刻生猛番晒。今晚佢哋喺主場迎戰人氣勁旅禾夫斯堡，兩軍近期都咁有火，大有機會合演一場士哥大激鬥，熱捧1.58倍「入球大」啦！

（有線61、64、201及203周日晚10:30直播）
緬恩斯易帥後回勇

緬恩斯換帥後瘋狂「升呢」，舒密特上任後執教4戰，拎到2勝1和1負，最重要係隊波嘅鋒線表現好番好多，4戰有3場射入2球或以上，就連沉咗好耐嘅日本射手岡崎慎司，喺舒帥上任後返晒嚟，連續2場波有進帳，呢位日本國腳當然亦非常識做，大讚舒密特啦：「佢嘅足球理念好簡單，就係一搶到波就用最快嘅方法，殺入對方嘅危險地帶，呢個亦係我哋嘅強項！」唔講唔知，原來只要今場波贏埋，舒密特就可以成為緬恩斯史上頭5場波最好成績嘅教練，就連高普當年都做唔到！
迪布尼+杜斯 狼堡鋒力超勁

對家禾夫斯堡今季表現一鳴驚人，依家穩坐聯賽榜二哥位置，基本上係冇乜搶分壓力，禾夫斯堡可以大安旨意踢番佢哋最擅長嘅喪攻性感足球，比利時中場靈魂人物奇雲迪布尼狀態弗到爆，幾乎每場都會有波入或者助攻，佢拍檔巴斯杜斯仲恐怖，家陣已經隊咗13粒聯賽士哥，超勁！睇埋「狼堡」近8場聯賽有5場攻入對手3球或以上，大家唔使再擔心呢場波會冇入波睇啦！
頂占筍盤：緬恩斯（入球大）