冰火可開勝門

不死鸟

聽身邊朋友話，而家去旅行最好去日本，問佢點解？係人都知日本消費貴到飛起，仲要揀呢個地方，其他地方唔好玩咩？佢話上個月先去過，唔好講其他，淨係交通網絡已經夠晒先進，覆蓋範圍可以話係遍布每一個角落，由「東京」去「大阪」只不過係兩個幾小時，咁都唔止，買張鐵路「遊週券」，一種價錢可以於指定期限內任搭，其他地方邊有呀！?，以為佢介紹乜喎，要識路先可以咁做，人地生疏，有時真係連東南西北都分唔清楚，如果因為坐車方便去日本玩，你去埋我份咯，真係畀佢「吹脹」！不如幾個老朋友返大陸玩仲過癮，起碼同聲同氣唔怕走失路，又可以助長經濟繁榮?！
「賞蝦王」今季報爭田草兩次都熱門倒灶，唔通隻馬有內在毛病？聽馬房大佬講，呢隻馬上次臨場狀態未算十足，途中又曾經碰撞，經過兩次熱身後狀態有進，在此組已佔優勢，有備而來追多次無妨。「冰火」上季來港服役，跑過七次三甲不入，上仗轉爭谷草，陣上表現令人耳目一新，賽後雖然操練如常，但狀態明顯見好，今仗對手無突出之輩，應可打開勝門。