桑美掛住轉會跌Watt 馬拉加讓唔起拉科

猪拉多纳

西甲 18:00（日）15 馬拉加 Vs 拉科魯尼亞

馬拉加今晚喺西甲主場對拉科魯尼亞，讓半一不如博1.88倍下盤。最近馬拉加已經連續8場不勝，球員洩晒氣，點靠得住呀？反而另邊廂拉科，為咗護級搏到盡，表現有起色，近8戰4和4負衰唔晒，抵撐。
拉科護級搶分搏老命

除咗前鋒杜捷同後衞薛尼列曹停賽，上個月有分入選西班牙國家隊大軍嘅馬拉加射手桑美占美利斯，最近似乎掛住轉會去英超搵銀，表現差咗好多，係上星期先破到近個半月嘅入球荒。相反，拉科有中場施素波格斯坐完波監，為咗搶分護級逃出生天，相信佢哋唔會輕易扯白旗投降，都係博馬拉加繼續沉淪好過。