勁勇士摩仔揀手貨

不死鸟

所謂青出於藍勝於藍，自從繼承其父方祿麟大業，方嘉柏兩度登上冠軍練馬寶座，眼前另一對父子兵，末來幾年又有機會接班，一代傳一代，講緊?係大摩與其子佐治；大摩現年59歲，到2015年便屆退休之時，近年不論在晨課或者賽日，總會見到佐治協助乃父在場打點，「爆冷」及「創惑」過去出外遠征，佐治亦會隨行負責打理，就連外出揀蟀也累積過唔少經驗，今次周日初出?4班新馬「勁勇士」，正是他響上年澳洲復活節周歲馬拍賣會，出價15萬澳洲紙投得，佐治揀蟀眼光如何？今季落地L布自購馬「共同努力」，乃昔日「聲氣」系同主新貨，原來亦由他一早買落，響澳洲出賽10次獲1勝3位，表現算做過得去。
「勁勇士」血緣出自正宗一哩馬Cape Cross，近年出過一匹紅透半邊天的「海都之星」，可謂聲名大噪，香港方面，其最出色子嗣「步步穩」正係由大摩訓練，固然掌握到此系馬的脾性，生母原產於美國，在法國出賽曾勝出一哩賽，另於同程表列賽得亞軍；「勁勇士」雖是澳洲馬，但父母兩系均是英美血統，幾可肯定不是早熟份子，前景似乎要看遠一點，須經一段時間觀察方可下定論。

少基