英甲煞科高車護級「大」過天

猪拉多纳

英甲 19:15 （日）18 高車士打 Vs 普雷斯頓

今晚英甲煞科，焦點係高車士打火併普雷斯頓。高車士打為護級非勝不可，普雷斯頓要奠定直接升班資格亦冇失分空間，兩隊鬥攻肯定會合演一場入球騷，1.65倍大趁熱食。
普雷斯頓搶分 博直接升班

英甲賽制係4隊降班，高車士打家陣排尾3，今鋪鬥普雷斯頓唔單止要做好本分攞晒3分，仲要望護級對手卡維尼同諾士郡失分，先有望逃出生天，相信以加雲馬斯夥拍基斯樸達合組嘅雙箭頭，今晚肯定攻到普雷斯頓甩轆都似。

連續18場聯賽不敗嘅普雷斯頓，為免夜長夢多跌落升班附加賽賽區，最直接做法就係砌低高車士打，唔畀「3哥」米爾頓凱恩斯爬頭。佢哋個「玻璃射手」祖加拿近3場聯賽入5球，今鋪隨時又再數胡。