馬賽爭做3「哥」不勝無歸

猪拉多纳

法甲今晚爆發歐聯席位生死戰，馬賽喺主場迎戰摩納哥，讓平半上盤值得考慮。根據目前形勢，今場馬賽和波都好難做到「3哥」，好在教練比爾沙大受球迷歡迎，球會甚至幫佢出特別版T恤同頸巾，搞作多多催谷令全隊士氣大振。相反摩納哥有王牌貝碧托夫養傷，此消彼長受讓都信唔過。

（TVB302台周一凌晨3:00直播）

法甲鬥到依家剩低3輪賽事，現時馬賽落後摩納哥5分，假如今場輸波，下季歐聯席位即時同佢哋講Bye Bye，即使和波都好難喺最後兩場反壓摩納哥做「3哥」，所以今晚主場出戰，馬賽絕對係不勝無歸，讓平半淨係買佢份鬥心都抵！
摩納哥讓齊「車馬炮」

睇番馬賽上季喺法甲得第6，今季喺新教練比爾沙麾下曾經長時間雄霸榜首。雖然臨近季尾戰績下滑，不過班擁躉依然勁Like比爾沙，消息話佢幾乎肯定獲會方開出新約，近排馬賽高層仲決定幫佢出特別版T恤同頸巾，可以想像班球員肯定會為佢搏命。

客軍摩納哥喺歐聯出局後，總算連贏兩場喺聯賽反彈，可惜佢哋今戰有中場拿比達亞停賽，射手貝碧托夫、拉仙拿查奧爾同中場杜拿蘭養傷，讓齊「車馬炮」好難頂得住主場嘅馬賽喎！