國米爭歐霸主W博得過

猪拉多纳

祖雲達斯淘汰皇馬殺入歐聯決賽，球隊上下梗係high到震，家陣「斑馬軍團」要留力迎接歐聯同意大利盃決賽，仲邊會理聯賽吖！今晚佢哋作客對住仲要爭下屆歐霸盃入場券嘅國際米蘭，講戰意已經輸晒，2.25倍主勝要開出唔難。

（TVB301周日凌晨0:00直播）
祖記留力歐聯意盃

祖雲達斯喺牌面上的確優勝，不過佢哋都經已攞咗聯賽錦標，今仗隨時派出大量副選應戰都唔奇，最緊要係確保一眾主力唔好受傷，全力爭做三冠王嘛！況且意盃決賽由「斑馬軍團」大戰拉素，今季意甲排第6都有份參戰下屆歐霸盃，國際米蘭只落後第6位嘅森多利亞2分，歐洲賽尚未夢碎，今仗唔搏仲等幾時？