好歡騰求勝若渴

不死鸟

今周日賽事移師到快活谷舉行日賽，實力馬即使排大外檔無礙進取，因Ａ跑道直路長兼寬闊，即使轉彎蝕位抄出大外檔仍有得追。睇過排位表後，對於沈集成馬房?戰馬甚睇好，雖然只得7駒上陣參賽，但有多駒擅跑谷草場地，而且不乏實力份子兼有勇態，值得敲選捧場。再睇回沈?10月份共取得5Ｗ，成績頗突出，戰馬狀態漸入佳境，既然馬房開始發動攻勢，當然更加值得留神。而今次對他馬房?「好歡騰 」頗有贏面機會，現推介給馬友參考。
「好歡騰」季內上陣兩次谷草1800米，首戰得第四，再出得第三，顯見牠熱身後狀態攀升， 亦反映此匹7歲馬戰鬥力仍強，睇回上場如非轉彎時蝕位耗腳程多影響末段貫注力的話，相信不勝亦會得第二。而該仗臨場票如雨下落到得3.6倍成大熱門開跑，但因受擠阻只跑回第三，顯見幕後有所損失必不甘心。拚完上場後，操練依然積極，而牠省過兩場後，勇態有增無減，埋門快跳走來有火有力可印證。而牠目前居3班仍具份量，因牠在大前季亦曾在此程及Ａ欄有贏過「旺國手」佳績，當時評68分同現時評分一樣。今戰因柏寶停賽，練者即搵杜利萊操刀，再跑回曾三度上名的Ａ欄1800米路程，加強配搭已知練者沈集成決心求勝補中矣。