博德盃「蜂狼戰」開大騷

猪拉多纳

多蒙特今晚會喺中立場柏林奧運球場同禾夫斯堡爭德國盃，「蜜蜂兵團」力求捧盃歡送教頭高普，至於對手「狼堡」禾夫斯堡亦會披上特別版波衫，為不幸離世嘅馬蘭達艾積而戰。翻查紀錄德國盃決賽例開入球騷，追多鋪玩入球大有着數！

（無綫翡翠台及TVB13台周日凌晨2:00直播）
高普告別戰唔想衰

兩隊喺兩個星期前嘅德甲碰頭，結果多蒙特作客以1:2不敵禾夫斯堡，不過「蜜蜂兵團」今戰肯定唔想再失威，事關今場王者戰係主帥高普嘅告別戰。消息話高普已經答應接掌利物浦，將會取消原定半年嘅休假，加上馬高列奧斯喺德甲收咧戰已經傷愈復出，可以預計全隊上下都想捧番隻盃歡送高普，戰意肯定爆棚。

對手禾夫斯堡賽前宣布，今戰會着上印有心形19字樣圖案嘅波衫比賽，悼念喺1月車禍離世嘅比利時新星馬蘭達艾積，唔使問全隊上下亦肯定會搏晒命。何況近5屆德國盃決賽有4次開入球大，梗係再追啦！