普多斯基：我未回塘

猪拉多纳

自爆下季重返阿仙奴

德國主帥勒夫今次專登唔選湯馬士梅拿、卻奧斯、馬高列奧斯同門神紐亞，希望考察其他球員，包括現役上陣次數最多、曾123次為德軍披甲嘅普多斯基。查實普多斯基上周先30歲牛一，但近年唔單止失去國家隊正選，今季喺阿仙奴同外借到國際米蘭期間都冇乜料到，日前「王子」開腔話下季會返阿仙奴，難得前線主力湯馬士梅拿同馬高列奧斯今次冇入選，係呢位老大哥打翻身波嘅好時機，用表現向勒夫同阿仙奴領隊雲格證明自己仲未回塘。
基迪拉落實投祖記

至於其德國兼阿仙奴隊友奧斯爾認真唔識死，近日佢隨國家隊喺柏林集訓，又忍唔住同史浩克04中場達斯拿去夜店玩，點知撞到重奪歐聯冠軍嘅巴塞隆拿球員。據講尼馬開聲嗌奧斯爾一齊慶祝，佢唔使半秒就答應咗，完全冇理兵工廠球迷敵視巴塞嘅心情。此外，皇馬中場基迪拉已落實加盟意甲祖雲達斯，並簽約四年！