好小子2檔執到寶

不死鸟

第二場四班1200米亦有兩匹初出馬，大摩馬房「駔驍之寶」原產自美國，同老豆Cozzene一樣都係灰馬，堪稱入型入格，Cozzene曾是美國最佳草地雄馬，一生10捷於1600至1800米，以贏出育馬者盃一哩大賽最為經典，配種生涯中，子嗣贏出超過150場錦標賽，最佳子嗣包括育馬者盃經典大賽得主Alphabet Soup、日蝕錦標冠軍Environment Friend等，昔日來港子嗣有「得其寶」及「喜福」均由賓康引入，以前駒成就較佳，全盛時贏過一班共累積5捷，可是生下「駔驍之寶」時已廿五、六歲，遺傳力尚餘多少真係計唔到，而且上季到港未跑先跛，主理人部署上亦須審慎，安排在谷草上陣就係貪草面鬆軟，腳部承受壓力相對較少。另一匹是葉?「創出傳奇」，響澳洲屬「權勇駿」馬主胡永權名下，依家轉?手，英文馬名都用番來港前?Super Galileo，雖未知是否實力超群?Galileo子嗣，但睇埋母系與「八達嶺」同出自澳洲長途馬王「八邊形」，幾可肯定會遲熟多少，而且不是短途馬。
蔡?「好小子」逾1200磅?龐然大物又確係跑一次近過一次，尤其上場1000米排10檔，拉士追上跑第五走勢山雨欲來，此番跑長200排位移入內檔，用埋旺人柏寶當有可博之道。