牛精金星唔捧走寶

不死鸟

前晚賽事，場外氣溫只得12度，場內則顯得熱哄哄，所指是全晚賽果都由熱門馬控制大局，最冷連贏位第五場由「電子精英」搭「開心錢」構成，派彩都唔夠五百蚊，大熱門更加取得5冠2季1殿，就知道大熱門表現有幾咁好。
不過部份大熱只是臨場大幅落飛所造成，就好似第三場，初時大熱門一直都落在「勁爆力」身上，到閘前「永利多」票數卻急跌至不足3倍開跑，大馬主黃志祥入場果然有計；另外拜方嘉柏提供「�∶麩簟冠A馬，蔡明紹贏番信心後即刻由地獄變天堂，繼後時間再為兩匹後備補出馬「牛精富星」及「超新星」奏捷，而「牛精富星」臨場就由9.3倍跌到落6.1倍勝出，睇�a今後又可對蔡明紹座騎重新睇好。好！今期就率先提供第九場二班1200米，由蔡明紹策騎的「牛精金星」。
「牛精金星」早前轉投告東尼旗下相信是歸隊性質，馬房經過大量的操練工夫才開上前線，埋門由徐君禮試大閘走勢十分搶鏡，繼續專注1200米發展，結合騎練新近重新撕破悶局，唔捧等幾時。