福勝滿載保不敗身

不死鸟

第五場三班2000米。胡森馬房「龍的傳說」上季到港後跑過四仗最叻得第四，經過暑期馬匹不斷進步，季內上陣兩次，首戰田草1800米得第十名次輸雙位數，到上場再跑田草1800米則後上如箭，埋門僅以一頭位飲恨不敵「無雙小子」，顯見馬匹省過一場後，勇熟俱增得來成果，亦反映適應水土後態況漸入佳境，復課快跳走來勁度十足，今次捲土重來增程跑多200米對牠更合發揮，這次配上新主帥衛韜禮執韁，人強馬壯可爭首名，值得睇高一線。
第十場二班1400米。「福勝滿載」（下圖）兩出兩捷贏來有餘未盡，連同外地一戰更加所向無敵，實力有幾多未知數，此匹練馬師團體馬，方嘉柏必全力爭取佳績報答馬主支持，4歲馬仍有大把上升空間，今次不報同日同班贏過?1200米，反而報跑今場1400米應不會無的放矢，同系馬「玉峽生輝」、「勵盈」為中距離材，而跑過兩場短途賽後，新鮮感已失，今次進軍1400米對有好無壞，質高勇馬有力取得季內第三捷。