賠率有路捉：非我莫屬早飛硬淨

聪明的白痴

    　噚日睇早飛，呂健威兩駒「天之驕子」同「非我莫屬」位置飛數熱到透，無估錯今日實有好表現。先講「天之驕子」，同場有「越跑越有」咁惡嘅質新馬在陣，位置早飛居然係14蚊大熱，甚至乎獨贏都係70蚊次熱，好明顯有人睇好。既然質新馬上仗已經接近，今戰又有早飛支持，記得睇實。

　    至於另一駒「非我莫屬」，八歲馬仲要面對惡馬「勇敢小子」，但早飛絕對不落下風，「非我莫屬」開飛不久已經賣到四倍次熱門，位置仲緊要得11蚊，可以話孭起晒成個彩池，似乎呢匹老馬今日穩有三甲。

　    騎師王方面，韋達騎九場之餘，惡馬仲要多過人，單計蔡約翰嘅「越跑越有」、「國寶」、「高手」、「好日子」同「勇敢小子」已經惡，仲未計「金獅威將」，開盤手定佢為十幾蚊大熱，已經話你聽冇得輸。

周仲