洪禮賢講馬：美猴王四捷

聪明的白痴

　　第六場三班1650米。「發達心聲」來到今季一樣咁準，雖然搏來搏去都贏唔到係事實，但證明在現階段分數也未綁手綁腳。而睇番上場點解追唔到「包裝老友」，主因係前中段慢到離晒譜，頭馬以53秒22完成前兩段，連五班賽也不如，所以任由「發達心聲」拉士點衝得勁亦徒然。今場轉到阿寶手上唔期望會跑高好多，看在三檔及當弗份上才會睇高多少。

　　第七場二班1000米。「美猴王」究竟叻成點，從之前三場都清楚睇得到，基本上，冇一場會有對手可以埋到身，在四班如是，在三班遇到「歡呼星」等強手亦一樣，看不出目前在此班會有何壓力，如果唔係此程威力遠遜1200米，四連霸邊有難度。