史雲斯上盤胸有城竹

猪拉多纳

射手阿休傷愈搏殺

自從8月底做瓜曼聯之後，史雲斯打落5場波都未贏過，領隊蒙克賽前表示，前鋒艾達盧比斯、中場舒維爾、基菲爾施古臣同守將艾殊利威廉斯等，都成功協助國家奪得歐國盃決賽周入場券，但現階段希望佢哋暫且放低「歐國夢」，專注為史雲斯搏殺。好消息係上輪聯賽整親膝部嘅阿休已經康復，今晚可以夥拍巴菲迪比高美斯攻堅。
史篤城首席射手缺陣

計埋聯賽盃在內，對家史篤城最近連贏3場，包括上輪聯賽作客砌低阿士東維拉。不過自從2011年尾起，史篤城未試過連續兩場英超作客賽事贏波。仲有，佢哋近22年造訪「天鵝」都未贏過，睇嚟自由球場唔多旺佢哋喎！何況首席射手馬美迪奧夫因媽媽過身，暫獲球會批准離隊奔喪，今鋪造訪唔似會惡得出樣，博史雲斯反彈仲好。

英超今晚爆發「史鬥史」獨腳戲，由史雲斯主場迎擊史篤城。「天鵝」近況回落，不過主力射手阿休已經克服膝傷，由佢夥拍巴菲迪比高美斯攻堅，有望喺自由球場繼續剋死史篤城。史雲斯讓平半，上盤博得過。

（now621台周二凌晨3:00直播）