勝利托弗擊落噴射機

猪拉多纳

今周澳職打頭陣由紐卡素噴射機主場對墨爾本勝利，噴射機近期主場表現認真麻麻，反而作客嘅勝利狀態唔錯，上仗墨爾本打吡戰贏波，對球隊士氣有所提升，今仗有望反客為主，阿謙認為勝利讓半一，上盤抵玩。

（有線64及203台周五下午4時40分直播）

噴射機開季首場作客贏威靈頓鳳凰係威係勢，點知翌仗返主場對住FC悉尼，喺完場前被對手絕殺搞到輸波，成隊波士氣即時受挫。事實上，噴射機主場成績向來麻麻，上季只係贏過一場咁大把，而且輸波率偏高，今仗雖有中堅保加特刑滿復出，但門將比列基迪同前鋒夏列迪因傷缺陣，始終對球隊攻守有一定影響，主場出擊都冇勝算，受讓都捧唔過。
勝利近7仗6勝1和

勝利上仗喺「墨爾本打吡」以3比2力克墨爾本城，球隊自八月出戰澳足盃後狀態持續上升，連熱身賽近七仗取得六勝一和。勝利今仗續有後衞尼高拉斯安素同射手艾奇湯臣因傷缺陣，但二人上仗打吡戰已經冇踢，影響唔大。同時勝利上季作客只係輸過一場，今仗有力反客為主，作客要讓到半一，莊家畀晒貼士啦。