朝早有動靜：告東尼 露搏殺手影

zzccqq

[em218][em218]

纯情小彩迷

　　今日沙田十場草地賽事，重頭戲為董事盃及百年紀念短途盃，蘇銘倫又獲邀來港客串一天，六匹坐騎均來自東廐。昨朝加課期，當一眾東廐馬在內圈出踱時，告東尼全程吼實，且行到欄邊近距離觀察，並向鞍上人指手劃腳落柯打，盡露搏殺決心。

　　其中列陣第八場董事盃1600米的「再領風騷」，季內四戰兩勝，近期狀態仍保持勇銳，今番有蘇銘倫之助，仍可一爭。至於首度上陣的「綠續有贏」，早前試閘已顯示出有一定速度，且走勢相當純熟，今次出爭第四場三班1200米，似有即拼之意。

　　另外，蔡約翰昨朝亦積極備戰，整朝馬上馬落，親踱多駒。今戰多匹蔡廐馬之中，以「印度光輝」及「神風先軀」最值得留意，前駒上仗休後復出即跑1800米難度甚高，最後追入一席第四已可收貨，今番縮程跑贏馬途程1600米，必屬箭頭所在。至於「神風先軀」上仗落敗純因1600米嫌短，今次增程跑2000米，也是蔡廐爭勝籌碼之一。

　　至於蘇保羅、賀賢兩人，昨朝亦全程跟實旗下戰馬出入，似乎對今戰極之重視。其中蘇廐今日共有八駒參戰，相信當中必有王者。多匹參戰馬中，出爭董事盃之「友誼至上」必須留意，今仗雖遇強手，但論狀態屬今場數一數二者，近日試閘步頭洶湧，火氣旺盛，走勢惹人好感，有望捧盃。

韋柏