洪禮賢講馬：開心歡樂掂

纯情小彩迷

　　第六場三班1200米。「紅封包」近績的確有睇頭，同程的幾場賽事冇Ｗ有Ｐ，按之前能贏「大智慧」，又曾經與「龍武軍」和「賞蝦王」包T，在三班點會係弱勢社群。呢次轉用小楊，呢對騎練今季在谷草合作咗八次，累積3冠1亞2季（輸嗰兩隻所負距離唔多過三個身位），估計呢匹路程專家實搏甩髀。

　　第七場三班1650米。「開心歡樂」連贏兩場田草1600米，其實無需要特登轉到此程，跑早三日咪有場班內該程可選擇，雖然唔知轉場的效果會唔會衰，但好端端連贏兩場之馬，唔見得要刻意「叉窩」。另外，喜見上場跟得鬥得，倘唔似得上季同程跑到住菜咁款，檔好仍有勝望。