伊巴謙留隊 PSG勢炒雷恩

猪拉多纳

一哥巴黎聖日耳門（PSG）今晚作客硬撼雷恩，季前一度盛傳走人嘅PSG王牌伊巴謙莫域，有指已回心轉意願意留隊，必能振奮軍心，而且雷恩日前踢多場盃賽，未有咁快回到氣，加上PSG對上兩次歐聯前夕嘅作客聯賽均輕取對手，直取讓球客勝。

（TVB 302周六凌晨3時30分直播）

季前不斷傳出伊巴謙莫域重返AC米蘭，不過其經理人近日作出澄清，話呢位瑞典中鋒今季會留喺PSG。呢個消息對主帥白蘭斯嚟講可謂天大喜訊，因為佢一向圍繞伊巴制訂戰術，而且呢位好勝射手係球隊精神領袖，佢肯留低必令大軍士氣大振。隊長堤亞高施華賽前講明，如果想下周喺歐聯A組擊敗皇馬，就要先打好今仗，相信佢哋唔會hea踢。
雷恩密密踢冇晒力

排第七嘅雷恩今季表現一般，幾名主力包括拿塔、哥斯迪等續因傷患缺陣。雷恩本身實力已經差PSG成條街，而且剛於周三凌晨先出戰法聯盃，話咁快又要硬砌PSG，體力堅輸蝕。況且PSG對上於兩次歐聯前夕嘅聯賽均大勝，今仗造訪雷恩實食冇黐牙。