馮諾嘉手記：谷戰更加開心歡樂

纯情小彩迷

　　今晚谷草八場賽事，有幾匹馬先後退出，包括噚日提過嘅「虎威將軍」，因為肌腱疼痛而退下火線，原本諗住攞佢做膽，依家惟有改頭場嘅心水選擇，改投「喜在心頭」一票，呢匹七歲老馬難得近期狀態咁弗，兩仗都入位，所負不出半個馬位，老馬有火，今場抽得三檔有利，有權再添頭馬進帳。

紅封包一檔好跑

　　今次賽事只有四班同三班賽，賽事比較平淡，心水場次第六場三班1200米，用「紅封包」做膽，呢匹馬近兩場跑同程都上名，路程首本，改配楊明綸減磅，抽一檔有利，貼欄守喺前領馬後面相當好跑，機會唔錯。

　　配腳方面，「化工之昇」上場面對「美猴王」，對手實力較強，但走勢絕對唔差，今場抽到二檔，可順勢跟住一檔嘅「紅封包」跑，形勢有利，拖腳首選。「龍武軍」今季四仗不勝有位，狀態當銳，本應有力爭取三連霸，可惜排十檔輸蝕，惟有作配。「劍鋒」前仗喺此程輕鬆奪冠，上場大熱倒灶，可惜今次抽到大外檔，預期佢會恃輕磅盡量爭取貼欄領放，可跑入前列。

　　第七場三班一哩，「開心歡樂」近三仗獲得兩冠一季，近兩場贏田草1600米，上場升班贏得輕鬆，證明實力超三班，今次轉戰谷草更加突出，仲要抽到四檔，坐穩望贏，作膽。配腳拖上場同程獲亞軍嘅「寶貝王子」，排二檔有利?「超新星」，同埋連贏兩場狀態大勇嘅「士多啤梨」。

　　第八場三班一哩， 馬膽「精算攻略」，上場喺四班跑同程已經打開勝門，贏對手個半馬位之餘，末段仲交出快時間，今場上三班，負輕磅之餘，仲抽得二檔，出閘後大可跟住一檔嘅「牛精富星」跑，貼欄守中前位置等入直路發力，相信佢開竅後頭馬會陸續有來。

　　配腳先揀「生生不息」，呢匹質新馬上場初次跑谷草即入位，證明呢條跑道�駚谂埽�排九檔相信會搶放，早段要用唔少力，相信位望高。「牛精富星」上場喺同程快放入位，今場抽得黃金一檔啱晒佢，當然要拖。「金碧亮馬」上場田草1400米亦能夠入位，證明實力唔弱，可惜今場克服大外檔之餘，仲要負重磅，計馬要兼顧。