新帥效應唔關維拉事囉！

猪拉多纳

新帥效應唔係隊隊都得，今晚重心推介場次係英超「首尾大戰」，剛啱換帥嘅包尾嘅阿士東維拉主場迎戰「一哥」曼城，維拉真係曳到冇朋友，初盤「藍月亮」要讓一球/球半咁辣，睇嚟莊家對佢哋信心十足，肥叔一向認盤唔認人，一於撐曼城上盤。

（now 621周日晚9時30分直播）
加迪接手一周 點同曼城鬥？

新帥效應呢個詞彙已經興咗一段時間，肥叔睇波咁多年所理解，通常係球員Hea踢想搞走領隊或教練，而新帥接手後即刻打番正常水準贏波，唔好睇得新帥咁神奇，當然從菠菜角度係值得跟進，不過並非隊隊都啱用。淨係睇今季英超，利物浦同新特蘭先後換領隊，但兩軍易帥後首場均未能敲響勝鼓，肥叔從來唔分析實力，只係想講英超競爭非常激烈，何況維拉聯賽七連敗排包尾，你要接手唔夠一周嘅加迪，立即將球隊起死回生，咪玩喇。

維拉今仗主場對榜首曼城，冇得打就梗嘅喇，不過肥叔特登睇吓其他菠菜公司嘅賠率，曼城嘅客W界乎1.4至1.5倍之間，惟獨本地莊家卻刻意壓低至1.34倍，熱到爆燈，而且喺讓波盤方面，佢哋更開出「藍月亮」要讓一球/球半嘅盤口，話晒要作客都讓到咁辣，完全唔將維拉放在眼內，似乎預示維拉難逃大敗，肥叔力撐上盤。