沙特超班讓客勒唔住

猪拉多纳

國際賽又返嚟嘞，今晚先嚟一場世界盃亞洲區外圍賽第二圈A組賽事，巴勒斯坦對沙特阿拉伯，由於巴勒斯坦XX未能確保比賽能夠安全進行，國際足協（FIFA）決定場波喺中立場約旦安曼舉行。沙特喺A組4戰全勝實力超班，今場讓球客勝捧得過！

（周一晚10時開賽）

雖然馬爾代夫政局混亂，全國更進入緊急狀態，不過FIFA仍然決定香港隊作客馬爾代夫一仗如期喺馬爾代夫上演；同樣係安全問題，今晚巴勒斯坦對沙特阿拉伯一戰則喺中立場踢，認真大細超。係嘅，香港點可以同沙特阿拉伯呢啲石油大國相比呢，FIFA梗係顧咗佢哋嘅安危先啦！

點都好，改踢中立場對沙特係百利而無一害，呢隊波喺A組4戰全勝，入15球僅失3球。今次點兵仍以國內勁旅吉達艾阿里為主，包括後防大將賀沙維、艾蘇利，同埋中場核心艾贊森等，梗係想盡早攞夠分出線，今仗對住排第3嘅巴勒斯坦，讓球客勝值捧！
颶風隊上盤抵撐

阿King搵埋兩場阿甲過關，先係颶風隊主場對貝格拉諾，颶風隊需搶分保住阿甲席位，戰意較高下，讓平半照捧上盤！另一場坦柏利主場對小阿根廷人，坦柏利連輸5場，當然要捧受讓嘅小阿根廷人！