金石盟專欄：歡樂繽紛體力充沛

纯情小彩迷

　　  昨晨跳馬出乎意料之外熱鬧，已報名年初三賽事者多達四十駒出試，以蔡、東、方、蘇等廐為主，場面熱鬧，甚具睇頭。

　　  「締造美麗」副練試八百米，四蹄揮灑自如，一身是勁，神采飛揚，愈戰愈勇。

　　  「歡樂繽紛」蔡約翰試八百米，走勢輕巧，落腳有彈性，體力猶充沛，觀感殊佳。

　　  「雅雪」助手試八百米，腳法矯健，勁力雄渾，健康冇問題，狀態更上一層樓。

　　  「滙名燈」助手試八百米，全程搶住走，步大力雄，火氣充裕，長期呈勇。

　　  「勇敢小子」蔡約翰試八百米，神清步爽，肌肉結實，體力已復，未見走樣。

　　「國寶」蔡約翰試八百米，出腳暢順有力，操養得宜，仍具作戰水準。

　　  「時時有機」梁家偉試四百米，翻步快捷，身強體壯，火氣亦好，保持勇健。

　　  「確威星」助手試八百米，身強體壯，勁力貫注，進度滿意，近況惹人好感。

　　  「魄力寶」助手試八百米，入直路稍為加快，身輕步爽，連拼未疲，保養有一手。

　　  「智友」助手試八百米，助手策「赤胆雄威」相伴，前駒採取主動帶放，最後一程奮力抗衡到底，未落下風，步伐兇悍，鬥心十足，成熟與狀態俱邁進一步。

　　  「富高勝」韋達試四百米，助手策「電子精英」佔先些少在前帶放，電算機前外檔的「富高勝」稍為加速上前，由於被拉實，故未能佔先，出腳既快且勁，馬身脹卜卜，氣勢鼎盛，勇況持續有餘。

　　  「金津好」副練試千二米，湯智傑策「厲行星」在前帶放，直路上均加快步伐，平分秋色，外檔的「金津好」走勢靈活，體格強健，早已操好的一駒。