洪禮賢講馬： 蔡約翰唔係�ahea

纯情小彩迷

　　大年初三賽馬，除了前文唔「籮直」的想法，吼吓8號仔、意頭馬，還是回到現實吧，按近季賀歲賽，霍利時馬房幾紅，一年接一年在大節日起個孖，前季有「怡勝」和「極奇妙」，上年又有「京樂飛翔」與「帝聖龍駒」，似乎係一個滿腦子想�粢忸^馬的馬房﹗但今季佢手賀年馬唔係特別，且看旺氣由鼠年至牛年，能否過度埋虎年?﹗

　　若果睇完排位，東蔡兩廐唔似嚟hea，前者報名時已達廿二隻，後者十匹正選，但多還多，重兵還重兵﹗兩大陣營又未必會場場埋身肉搏，因早已講過季內部分成績前列的馬房串Q唔多，東蔡正是好例子，目前分別排在練榜第一及第三位，居然只係串了三條Q，所以如主觀意願認為佢�\忽然間不停埋Q，將會係虎年第一個奇蹟日。

國寶升班冇壓力

　　東蔡兩廐不約而同在大年初三，會有些熱到辣手的上陣馬，尤其係後者，像「勇敢小子」、「歡樂繽紛」，就算熱過輸?的「國寶」及「安御」等等，亦唔見得會散到熱，所以，該日會否出現多匹紅盤馬，某程度上，蔡約翰馬房將會是重要主角。

　　初步對於「國寶」仍有希冀，雖則對手再唔係近仗的四班馬，形勢上稍失色，之但係，一向已覺此駒在四班是過客，升班何來壓力，反之，三歲仔一下子孭番輕磅，威力隨時幾何級飆升。而睇番上場之敗，明顯係直路頭困守，令馬兒未能衝得暢快，若不，就算贏唔到，至少也有Q，但無論如何，三歲仔負133磅，及初跑1600米，有本事上到名，已經好有難度，所以對此駒還是未想放手。