賠率有路捉：強中傲票數似樣

纯情小彩迷

　　第五場「強中傲」上仗初出賽前韋達摸到實，但臨場十三倍票數好軟弱，信心明顯麻麻，但走勢一啲都唔差，輕鬆追入殿軍。今日再出，韋達仍然親征之餘，賽前幾乎包辦全部工夫，再配合埋噚日早飛獨贏熱到得63蚊，票數似樣過上次多多聲，相信今日出賽會有好表現，記得捧場。

    　另外，大摩近排當黑，搏殺頻失手，不過噚日早飛，佢嘅「海王子」、「卓爾非凡」同「魔法幻影」統統位置大熱，而「高鳴」同「醉味」仲係大熱W，明顯全線有飛，今日好多人睇好蔡約翰手馬，小心大摩至係真。

　    韋達今日手馬好惡，近期又喺田戰頻頻登上騎師王，旺到不得了，但熱到得十幾蚊冇肉食，既然睇好大摩今日會郁手，不如博有分頭嘅白德民喇。　

周仲