朝早有動靜：柏寶到場 先跳穩操勝算

纯情小彩迷

　　明晚谷中八場夜賽，於昨晨進行最後試跑，不乏參戰馬亮相，大部分大師傅均於六時左右到場，包括柏寶、巫斯義、杜利萊等，不乏可觀動靜。

　　柏寶到場後，首匹策騎葉廐「穩操勝算」慢跳三段，沿途扣實，馬有火氣，落腳輕盈，身靚步頭爽朗，勇態已告冒升，表現成熟進步，試後葉楚航趕返沙圈找柏寶，細問馬匹試跑反應，二人於隧道旁傾談了五分鐘，神情極之緊張，顯然有計。明晚此駒列陣頭場五班1650米，換柏寶操刀，且加程角逐，賽前有動靜可尋，看來立心出擊。

　　苗禮德馬房剛戰又憑「驍騎無敵」增添進帳，虎年認真旺，今勻夜賽馬房出三件，「虎虎生輝」、「同心威駿」及「奇蹟」皆屬實力分子，馬房手風正順，再接再厲又可贏馬持續威勢，其中，前駒昨朝由苗太策騎往大跑道試跑，單跳一段，走來有火有力，身段收得甚靚，不搶口，輕易造出快時間，狀態大勇。

苗禮德夫婦斟虎虎生輝

　　課後，苗太人馬未返沙圈，苗禮德已在隧道口等候，在接馬之後，兩夫婦在沙圈猛傾之餘，且目不轉睛打量馬匹，睇動態有添食之意，值得優先留意。「同心威駿」及「奇蹟」則被安排往踱步，出踱時練者細心觀察馬匹神態，同樣緊張，不可忽視。　

韋柏