朝早有動靜：潘頓唞夠即搏殺

纯情小彩迷

　　剛戰因身體不適而退下火線的潘頓，昨朝復課並連試多駒，可見健康已無大礙，其中賀廐馬「易搏贏」由他親跳一段，只見騎者大力扣實下，馬匹仍節節搶走，火氣十分旺盛﹔此匹四歲馬今季上陣三次，上回在谷草出賽，配白德民排不利的外檔跑一哩，結果仍後追得第三，表現大有進步。復課以來操磨甚力，日前拍高班馬「喜勁飛」彈草閘，「易搏贏」走勢亦不輸蝕，昨朝操練期間，賀賢更全程跟出跟入，動態極之緊張，今次轉爭田草三班1600米不容輕視。至於廐侶「軍士」由助手代勞，過程中亦見練者吼到實，看來會配合前駒一同出擊，投注時宜留意。

　　此外，呂廐「勁快」自潘頓接手後，至今兩戰獲冠亞各一，證明人馬合拍，復課以來騎者仍摸到實，重視程度不減，昨朝親跳兩段，走來紋風未動，佳態保持，人馬重來當然要秤先。

　　第二場四班1000米，徐廐「清新空氣」初次上陣，但賽前已連番試閘，而且走來甚具速度，早已被晨操客盯緊﹔昨朝配鄭雨滇跳一段，走勢暢順上力，出試後徐雨石亦步亦趨跟返，顯見馬匹受重視，如有風吹草動記得跟進。

韋柏