錘仔幫食住聖人作客冇有怕！

猪拉多纳

英超今季競爭前所未有咁激烈，就算強隊對住牌面稍次嘅球隊都贏得好辛苦，今日重心推介係壓軸尾場修咸頓主場迎戰韋斯咸，「錘仔幫」今季專剋勁旅，評級不斷升呢，今仗造訪「聖人」修咸頓居然有得受讓半一咁筍，下盤真係要趁早入貨。

(now 621周日凌晨1時30分直播)

講到今季英超銀行隊，相信非韋斯咸莫屬，唔單止先後擊敗曼城、利物浦、阿仙奴、車路士等傳統勁旅，而且呢班波名氣有限，作客通常獲得受讓，呢點對投X非常有利，因此其評級指數不斷上升。雖然有人話今仗對手修咸頓明顯復甦，近兩仗對曼聯同阿仙奴1勝1和，但近年出戰韋斯咸都冇運行，近8次交鋒錄得1勝4和3負劣績，只係贏得1場咁大把，今仗要讓到半一認真唔值博，況且「錘仔幫」連盃賽近13仗只曾1敗，硬淨到暈，肥叔認為佢哋食住個勢，至少能全身而退，下盤有買趁早。
維拉回飛捧諾域治

另一場較早時間開波嘅英超阿士東維拉主場對諾域治，雖然齋睇近況，包尾大幡維拉比五連敗嘅諾域治好少少，但要留意「金絲雀」嘅對手有熱刺、利物浦、曼城等勁旅，輸波情有可原。

初盤維拉要讓平半兼高水，從歐洲菠菜公司可以睇到，維拉上盤有回飛迹象，睇個勢唔似會贏到，一於捧諾域治下盤。

(now 633周六晚11時直播)