江蘇山東亞冠試劍

猪拉多纳

中超富貴兵團晒冷

FC江蘇虎入平陽(手禁)住搶

今季中超變天！FC江蘇上年年尾獲蘇寧集團入主，立即大事增兵，豪花8千萬歐元（約7億港元），簽入4位外援阿歷士泰斯拿、拉美利斯、祖奧、沙尼貝利，成為冬季轉會市場最大豪客，連歐洲大球會都被比下去。FC江蘇目標直指揚威亞冠，今仗E組作客越南球隊平陽，當然要打響頭炮顯霸氣，直取讓球客勝。

（now670周二晚6時直播）

FC廣州3年2奪亞冠盃，證明銀彈策略奏效，FC江蘇進一步昇華，唔貴唔買，代表作肯定係擊敗利物浦，以5千萬歐元（約4.3億港元）收購薩克達巴西中場阿歷士泰斯拿，仲簽入埋車路士中場拉美利斯，唔講仲以為打緊機！陣中克羅地亞國腳森美亞年薪更高達650萬歐元，仲多過皇馬中場莫迪歷、巴塞中場拿傑迪錫，成為克國最高薪球員，非常誇張。由於外援名額有限，森美亞未入選大軍名單，可見人腳超鼎盛。獲多位猛將助陣，加上由羅馬尼亞名宿彼得斯古執教，FC江蘇將帥級數喺E組首屈一指，平陽遇到佢哋，簡直係螳臂擋車。
平陽上屆遭FC山東雙殺

平陽上屆亞冠分組賽6戰，只獲得1勝1和4負，包括被另一支中超球隊FC山東「雙殺」。事實上，越南球會財力無法同中超球會相比，平陽以土炮為主，外援之中較有質素只係曾效力荷甲威廉二世嘅中場佩爾姆，試問點抵擋億萬大軍FC江蘇？隨時大敗收場。