護級大戰希杭食住愛奴

猪拉多纳

西甲下游護級形勢比爭標更加激烈，最尾6支球隊之間只有5分距離，第17位希杭深夜主場鬥第16位愛斯賓奴，無疑係護級生死戰。希杭近期表現有起色，近6仗僅不敵巴塞隆拿，遇上作客7連敗嘅愛斯賓奴，正係希杭搶分良機，2.12倍主W非常值博。

（now 633周日凌晨1時15分直播）

希杭上年11月至上月中，一度喺9場聯賽輸足8場，並捲入降班漩渦，慶幸能夠及時谷底反彈，近6場取得2勝3和1負，而且輸波嗰場嘅對手係巴塞，實非戰之罪。今仗對巴塞同市球隊愛斯賓奴，情況完全唔同，事關愛斯賓奴弱過藥煲，特別係作客戰績差到冇朋友，今季聯賽13場作客輸咗11場，換言之落敗率高達85%，加上雙方近4次對賽希杭贏咗3次，攤路數據都係希杭佔優，值得睇好。
華歷簡奴受讓值捧

同晚另一場，排第15位嘅華歷簡奴作客貝迪斯，華歷簡奴近期表現硬淨，近6仗獲得2勝4和，前鋒米古連續5仗有波入，狀態弗到震。相反貝迪斯近15仗僅1勝，今仗仲要讓波，必捧對家華歷簡奴讓球客勝。（now 632周日凌晨3時30分直播）