祖記捱殘讓唔起國米

猪拉多纳

今季意甲競爭屬於近5年最激烈，傳媒有番話題，總算吸引到投X人士目光。今晚仲有場傳統大戰，祖雲達斯主場對國際米蘭。季初脫腳嘅祖記踩行油殺番上榜首，但球隊近期賽程惡踢，早前聯賽激鬥完拿玻里，上周中歐聯硬撼拜仁慕尼黑，消耗大量體力，今仗仲要讓一球，實在太過火，捧國際米蘭下盤。

（TVB 301周一凌晨3時45分直播）

球員始終係血肉之軀，祖雲達斯衝咗一輪後，難免要回氣，上輪意甲同博洛尼亞互交白卷，之後歐聯主場落後兩球劣勢下，拚盡氣力逼和拜仁2比2，但晉級形勢唔算樂觀，非常打擊士氣，今仗返回意甲戰場對國米要讓一球，明顯受往績因素影響被高估。國際米蘭雖然下半季跌Watt，但畢竟每次鬥宿敵球員都會特別落力，受讓博得過。
華倫有起色上盤吔「包」

另外兩場嚟料，西甲華倫西亞連贏4場有起色，睇來教練加利尼維利已搵到改革良方，主場小讓畢爾包平半，寧買當頭起，上盤可取。

（now 632周日晚11時直播）

最後德甲多蒙特主場對賀芬咸，兩隊踢法悅目，今場入球大細中位數提升至3.5球，反映莊家都認為會多波入，一於博入球大。

（now 670、有線61及201台周一凌晨零時30分直播）