拿玻里摧殘紫百合

猪拉多纳

希古恩騷哥利博轉會

意甲今晚有前列大戰上演，「紫百合」費倫天拿喺主場對拿玻里，受讓平半未必有着數，皆因拿玻里射手希古恩再次成為轉會市場搶手貨，而且一早就拒絕續約，準備幫自己搵份肥約，相信佢會全力爭取入球騷哥利，帶挈拿玻里開1.88倍上盤！

（TVB301台周二凌晨4:00直播）
費倫攻守主力唔踢得

形勢上，費倫天拿仲想爭標嘅話，今場絕對有需要贏波，但班戰將喺壓力下，係咪可以維持好表現，又係另一回事，特別係佢哋有箭頭莫路沙拉迪坐波監，前線火力難免會受到影響，加埋守將賓拿盧安尼打柴，導致佢哋防線不穩，近6仗都有失波，好難喺歐霸盃淨吞熱刺3蛋後突然反彈。

另邊廂，拿玻里近期因為惡戰連場走勢下滑，上周中喺歐霸盃次回合1:1打和維拉利爾後，更加出局收場。不過走肖始終覺得，現時拿玻里嘅實力同兵源都喺費倫之上，淨係睇佢哋嘅希古恩再次爆發，你就已經驚啦。
拿玻里近6次交手贏5次

今季希古恩累積咗24個聯賽入球，據講巴黎聖日耳門、車路士同阿仙奴勁旅等排隊爭住搶購，唔怪得有消息話，希古恩拒絕同拿玻里續約，等緊高薪跳槽，相信會激起佢嘅鬥心搏殺。仲有呀，拿玻里近6次對賽有5勝1負，有咁強數據嘅支持，讓平半上盤冇理由唔博喎。