全北汽車開蘇搶w

猪拉多纳

亞冠盃展開第2輪分組賽，E組今季豪擲8億人民幣增兵嘅FC江蘇（江蘇蘇寧易購），雷聲大雨點小，繼首輪被越南球隊平陽逼和1比1後，上周六中超盃又吞FC廣州兩蛋，一班天價巨星仍然冇料到，看來仲需要時間建立默契，今仗主場遇上「中超剋星」嘅南韓勁旅全北汽車，恐怕FC江蘇難逃再敗，捧客W。

（now671周二晚8時直播）
FC江蘇大灑金錢冇料到

FC江蘇喺冬季轉會市場，簽入拉美利斯、阿歷士泰斯拿、祖奧等大牌球星，震驚球壇。點知去到正式比賽，出現反高潮，上輪出齊呢3位巴西國腳，都贏唔到小組中最弱嘅平陽，入波球員仲係效力咗8年嘅土炮吉翔，實在諷刺。至於上仗中超盃對FC廣州（廣州恒大淘寶），更加冇得打，輸0比2，被嘲弄為「偽豪門」。FC江蘇開局失利，好大程度上因為人腳變動太大未執得掂，估計短期內難翻身。

上季韓職冠軍全北汽車亦有3位巴西外援，當然名氣唔及FC江蘇3星，但勝在實而不華。值得留意，36歲著名射手李東國寶刀未老，上輪入波助球隊2比1擊敗FC東京。呢位長青樹係亞冠盃史上射手王，至今累積入27球，經驗豐富，食住僅第2屆出戰亞冠盃嘅FC江蘇。

全北汽車仲係「中超剋星」，上屆亞冠盃4次鬥中超球隊，取得3勝1和，包括兩次以4比1大炒FC山東，作客亦擊敗FC北京，今仗去到江蘇，有力反客為主。
F組FC首爾有力添食

講到巴西兵，一定要提F組，FC首爾嘅森巴射手卡路士阿祖安奴上輪射入4球，大炒泰國球隊武里南聯6蛋，今仗主場對住先後喺亞冠盃及日職輸波嘅廣島三箭，又係數胡時候，捧主勝。

（now670周二下午1時直播）

同屬F組嘅FC山東，陣中巴西國腳迪亞高泰迪利上輪亦有波入，助球隊作客反勝廣島三箭，今仗主場對武里南聯，有力大勝，直取讓球主勝。

（now670周二下午3時30分直播）