洪禮賢講馬：捧超群如意

纯情小彩迷

　　第九場三班1800米。「馬主精英」近兩仗已一再指出，倘若跑得番，在六十餘分隨時有得贏，結果打叠在1600米攞到１Ｗ１Ｑ。佢向來體質比較弱，可以個幾月跑到第三場，其實已經叻，直接反映此際體能和狀態俱處於高峰；早在上季初跑同程已可上名，路程性能可知，呢期贏開必然趁勢繼續搏。

　　第十場三班1400米。「超群如意」曾硬撼近期贏完又贏嘅「安御」，目前分數尚有大把水位；上場只得季軍，一來，孭到132磅，二來，陣中曾遇到阻滯。今場來到三班高級組，不用負重而本身又唔係唔夠班，轉到近日手氣好嘅韋達手上，騎者未能為「財星」帶來頭馬，對於呢匹「如意」必更賣力。