洪禮賢講馬：百贏萬歲掂

纯情小彩迷

　　第六場三班1200米。「自家威」來到三月依然在陣上有兩腳，從賽績顯示今季真係當弗。經過上場一哩後，今次反而重返短途，部署上來得更實際，始終在此程唔使一味靠放，守好位跑法亦得，手上有兩把刀，總比在中長途單以領放的跑法來得有變化；四檔起步可放可稍留，跑得番前仗水準必有三甲。

　　第七場三班1650米。「百贏萬歲」（圖）轉到泥地後，跑三場俱入前四名，而上場更打開勝門，充分顯示縮到一哩也爆得起，如果計番上場全程在外叠蝕住跑，一樣贏得清脆，唔覺會因為多負一磅而令表現走樣，當然體力透支又作別論。同時，今場對手與剛仗差唔多，睇唔到有咩眼中釘，有望再Ｗ。