數據人生：靚好聲捲土重來

魑魅魍魉

　　今季表現最突出的華籍練馬師，相信非文家良莫屬，季內已贏三十場之餘，亦已打破自己一季頭馬最多紀錄，賭錢最緊要跟紅頂白，就算明日只出四駒亦不能小覷。

　　第五場四班1400米，臨場大熱門預計會是「靚好聲」，換轉是以前的話，此匹文廐馬隨時連影都冇，但今季這個馬房冷熱皆拼，而且繼續配上手風轉順的韋達，看來不宜刻意捨棄。此駒今季初出報爭田草1200米，閘前愈賣愈冷便知信心麻麻，但終點前卻在鄭雨滇胯下後上跑第二，僅負於頭馬「麗晶之星」短頭位；難怪上仗改由韋達操刀，馬上被捧成不夠四倍大熱，可惜排十一檔下力追不及跑第四，但落後頭馬「松林之星」一又四分三馬位，走勢尚算不俗。

　　既然兩戰均後上不及，主理人今戰索性部署「靚好聲」增程跑1400米，抽排六檔形勢亦遠較上仗理想；另外，上月文廐馬配韋達跑田草的成績甚佳，今戰騎練獨合作「靚好聲」，可見已集齊數據捧場。

歐陽志恆